Ég vil endurmennta mig
Þó fólk ljúki háskólanámi og sé í draumastarfinu er alltaf hægt að bæta við sig þekkingu. Endurmenntun er margvísleg og það er aldrei of seint að læra eitthvað nýtt.
Höfundur
Starfsþróun gengur út á að þróast í starfi, tileinka sér nýja þekkingu, færni og hæfni. Starfsþróun er á ábyrgð hvers og eins, en hún er ekki síst fjárfesting fyrir vinnustaðinn.
Starfsmenntunarsjóður veitir meðal annars styrki svo félagsfólk Visku getur sótt:
- Nám
- Stök námskeið
- Ráðstefnur og málþing
- Fræðslu- og kynnisferðir
Hægt er að sækja um styrki frá Starfsmenntunarsjóði hvort sem verkefnið fer fram á Íslandi eða erlendis.
Starfsmaður sem unnið hefur í fjögur ár hjá sömu stofnun á rétt á launuðu leyfi til að stunda endurmenntun eða framhaldsnám. Starfsmaður ávinnur sér tveggja vikna námsleyfi á hverju ári. Þó getur uppsafnaður réttur aldrei orðið meiri en sex mánuðir.
Starfsmenntunarsjóður
Sjóðurinn veitir styrki til náms og einstakra námskeiða, ráðstefna, málþinga og fræðslu- og kynnisferða innanlands og utan. Verkefnin þurfa almennt að varða fagsvið eða starf þeirra sem sækja um.
Allt félagsfólk Visku hefur aðgang að Starfsmenntunarsjóði.Starfsþróunarsetur
Starfsþróunarsetur styrkir nám á háskólastigi, faglegt nám og ráðstefnur sem tengjast starfsþróun á fagsviði viðkomandi eða heildstætt nám á nýju fagsviði (starfsferilsþróun). Þar má nefna til dæmis tungumála- og upplýsingatækninám eða önnur námskeið sem miða að því að styrkja fólk í starfi. Félagsfólk getur einnig sótt fræðslu hjá fræðslusetrinu Starfsmennt án þess að skerða rétt sinn til annarra styrkja.
Félagsfólk Visku þarf að sækja sérstaklega um að ganga í Starfsþróunarsetur.Starfsfólk á þess kost að sækja fræðslu- og þjálfunarnámskeið til að viðhalda faglegri þekkingu sinni í samræmi við heildarmarkmið fyrirtækis. Starfsfólk getur óskað eftir námsleyfi, en mat fyrirtækisins ræður úrslitum um hvaða námskeið eða ráðstefnur verða fyrir valinu og hvort forsendur séu fyrir veitingu námsleyfis. Starfsmaður heldur reglubundnum launum á meðan námskeiði stendur og fær greiddan útlagðan kostnað, nema um annað sé sérstaklega samið.
Starfsmenntunarsjóður
Sjóðurinn veitir styrki til náms og einstakra námskeiða, ráðstefna, málþinga og fræðslu- og kynnisferða innanlands og utan. Verkefnin þurfa almennt að varða fagsvið eða starf þeirra sem sækja um.
Allt félagsfólk Visku hefur aðgang að Starfsmenntunarsjóði.Starfsþróunarsetur
Starfsþróunarsetur styrkir nám á háskólastigi, faglegt nám og ráðstefnur sem tengjast starfsþróun á fagsviði viðkomandi eða heildstætt nám á nýju fagsviði (starfsferilsþróun). Þar má nefna til dæmis tungumála- og upplýsingatækninám eða önnur námskeið sem miða að því að styrkja fólk í starfi. Félagsfólk getur einnig sótt fræðslu hjá fræðslusetrinu Starfsmennt án þess að skerða rétt sinn til annarra styrkja.
Félagsfólk Visku þarf að sækja sérstaklega um að ganga í Starfsþróunarsetur.