Visku­mol­ar

Starfsfólk hefur samningsbundinn rétt á launaviðtali einu sinni á ári um störf sín og hugsanlega leiðréttingu á starfskjörum. Óski starfsmaður eftir viðtali er yfirmanni skylt að veita það innan tveggja mánaða og á niðurstaða viðtalsins að liggja fyrir innan mánaðar.

Gott starfsumhverfi stuðlar að aukinni vellíðan á vinnustað. Margt getur haft áhrif á vellíðan þína og mikilvægt er leita ráðgjafar til að bregðast rétt við komi upp alvarlegt vandamál.

Miklar breytingar hafa orðið á vinnumarkaði um allan heim á undanförnum árum þar sem sífellt fleiri kjósa að starfa sjálfstætt. Ekki sér fyrir endann á þessari þróun og vinnumarkaðurinn þarf sífellt að aðlaga sig að breyttum veruleika.

Í hröðum heimi er mikilvægt að loka tölvunni og njóta þess að fara í frí. Þegar þú ert í orlofi er fátt betra en að aftengjast, hvílast, njóta með fjölskyldunni, ferðast eða gera það sem hentar þér best til að hlaða batteríin.

Þegar líða fer á starfsævina hafa flest leitt hugann að því hvernig best er að haga eftirlaunaárunum. Fyrir sum eru þessi tímamót langþráð en hjá öðrum eru blendnari tilfinningar og skrefin jafnvel erfið.

Þó fólk ljúki háskólanámi og sé í draumastarfinu er alltaf hægt að bæta við sig þekkingu. Endurmenntun er margvísleg og það er aldrei of seint að læra eitthvað nýtt.

Veikindi og slys eru margvísleg. Afleiðingarnar geta verið bæði líkamlegar og  andlegar. Allt launafólk á rétt á launum frá atvinnurekanda vegna veikinda og slysa í tiltekinn tíma. Fjöldi veikindadaga er þó mismunandi eftir kjarasamningum og því hvort viðkomandi sé opinber starfsmaður eða vinnur á almennum vinnumarkaði.

Við starfsmissi er gott að vera í sambandi við stéttarfélagið sitt til að skoða vel uppsagnarbréfið og/eða starfslokasamninginn fyrir undirritun og íhuga næstu skref.

Ef þú átt von á barni eða hefur nýlega eignast barn þarftu að huga að ýmsu. Mikilvægt er að þú kynnir þér vel réttindi þín svo þú getir notið meðgöngunnar og fæðingarorlofsins sem best.

Að fara út á vinnumarkað eftir útskrift er spennandi tími. Atvinnuleit er verkefni sem krefst tíma og þolinmæði. Á þessum tímapunkti er gott að gefa sér tíma í að finna hvaða stéttarfélag hentar þér best.